लोकटाइम्स

  धनत्रयोदशीला आरोग्याला प्राधान्य द्या; प्रतापराव जाधव यांचे आवाहन नवी दिल्ली, ४ नोव्हेंबर २०२६ : दिवाळीच्या सणातील धनत्रयोदशी हा दिवस केवळ सोने, चांदी आणि नवीन वस्तूंच्या खरेदीपुरता मर्यादित न ठेवता आरोग्य आणि निरोगी जीवनशैलीचा संकल्प करण्यासाठीही महत्त्वाचा आहे, असे आवाहन केंद्रीय आयुष राज्यमंत्री (स्वतंत्र प्रभार) आणि आरोग्य व कुटुंब कल्याण राज्यमंत्री प्रतापराव जाधव यांनी केले आहे. धनत्रयोदशीच्या निमित्ताने प्रत्येक कुटुंबाने आरोग्याला सर्वोच्च प्राधान्य द्यावे, संतुलित आहार घ्यावा, नियमित योगाभ्यास करावा आणि वेळोवेळी आरोग्य तपासणी करून घ्यावी, असे त्यांनी सांगितले. ‘आरोग्य हीच खरी संपत्ती’ हा विचार प्रत्येकाने आपल्या जीवनात अंगीकारण्याचे आवाहनही त्यांनी केले. धनत्रयोदशीला आरोग्याचे महत्त्व ओळखा – प्रतापराव जाधव धनत्रयोदशी हा दिवाळीतील महत्त्वाचा सण असून, या दिवसाला धन्वंतरी जयंती म्हणूनही ओळखले जाते. भारतीय परंपरेनुसार समुद्रमंथनातून भगवान धन्वंतरी अमृतकलश घेऊन प्रकट झाले, अशी मान्यता आहे. भगवान धन्वंतरी यांना देवांचे वैद्य मानले जाते. त्यांचा संबंध आयुर्वेद आणि आरोग्यशास्त्...