लोकटाइम्स

  विदर्भ आणि नागपूर परिसरातील आरोग्य यंत्रणा अधिक सक्षम करण्यासाठी राज्य सरकारने महत्त्वाचे पावले उचलली आहेत. आरोग्यमंत्री प्रकाश आबिटकर यांनी नागपूरमध्ये बोलताना सांगितले की, ग्रामीण व आदिवासी भागांतील आरोग्य सेवा बळकट करण्यासाठी डॉक्टरांसाठी विशेष प्रोत्साहन योजना लागू करण्यात येणार आहे. ही योजना अंतर्गत ग्रामीण भागात सेवा देणाऱ्या डॉक्टरांना त्यांच्या मूळ पगारात २५ टक्के वाढ दिली जाणार असून, दुहेरी घरभाडे भत्ता तसेच वर्षातून एकदा विशेष प्रवास सवलतही दिली जाईल. याशिवाय, पाच वर्षे सेवा पूर्ण केल्यानंतर इच्छेनुसार शहरांमध्ये बदली मिळवण्यास प्राधान्य दिले जाईल. नागपूरमध्ये लवकरच एक अत्याधुनिक वैद्यकीय उपकरण वितरण केंद्र स्थापन होणार आहे, जे विदर्भातील सर्व जिल्ह्यांना तात्काळ उपकरणे पुरवठा करणार आहे. हे केंद्र आरोग्य यंत्रणेच्या वेगवान प्रतिसाद क्षमतेसाठी एक महत्त्वाचा टप्पा ठरेल. याशिवाय, राज्यभरात १७ कर्करोग डे-केअर केंद्रांची स्थापना केली जाणार असून त्यातील अनेक केंद्रे विदर्भात असतील. यामुळे ग्रामीण भागातील रुग्णांना शहरात येण्याची गरज न पडता उपचार सहज उपलब्ध होतील. सरकारच्या या...